女性一生中一般約有40年生理期，一個月平均5-7天，一天平均使用幾片衛生棉？當我們使用衛生棉的時候，有想過它從塑膠袋到外包裝到內包裝總共三從塑膠製品，再加上黏貼的紙片，總共製造多少垃圾？一片衛生棉地球要花50年去分解，天呀！如果我短命一點，死後可能它還沒分解完！現在想想，我們一生中總共製造了多少垃圾（只是這個部份咋喎！）
小女子因好奇心作緒，於一年前開始試用和菓子，當時已想向大家推介呢啲環保衛生用品，但因為事情貼身私人，公開有點尴尬，所以便不了了之。一年後，想法改變，「公告天下」只為令更多女性（男性亦可認知一下）知道，妳的選擇不只一個！
以下係和菓子的好與壞︰
好處一︰大自然多謝妳，我欣賞妳
好處二︰外表精美，多姿多彩，喺女性悶悶的日子簡直加添左不少生趣
好處三︰有外表亦有內涵。膠不及綿布柔軟貼身溫柔，減低了滲漏的機會，膠面製的亦不是整塊都能吸水，而且會連汗一起焗着，產生異味。
好處四︰易於清洗。喺未試過洗和菓子嘅時候，會諗︰見住啲血會唔會好嘔心，點落手洗呢@@但經過第一次嘅清洗，呢個無知概念簡直不再存在。基本上先沖水再加梳打粉浸一陣，最後放入洗衣機即可。一條乾淨新淨嘅和菓子再次重現。
壞處一︰用啲時間去洗囉。不過一個人咁樣去選擇和菓子，嗰啲小小清潔時間又算得啲咩呢
壞處二︰比即棄厚，要用個大少少嘅袋裝佢地。
自問曾經也是一個貪方便的人，叫外賣必取即棄飲食用具，唔駛洗嘛，懶得就懶，何況洗碗曾幾何時係小女子最討厭嘅家務。但係當人大左，諗多步，就知道不停用即棄用品，方便是犧牲環境換來的，值得嗎？當我們口口聲聲說要敬拜讚美神的時候，大家有否想過自己卻成了破壞神創造的大自然兇手？地球資源有限，如果不想不斷地對地球苛索，請盡量用可重複使用的東西。每買一件貨品前，想一下有沒有更好的選擇，是一個對人和環境更友善的選擇。
你，願意踏出一步嗎？
沒有留言:
張貼留言